አሐዱ ዓለም ኢትዮጵያዊ
በተዋሕዶ ምሥጢር፡ ኢየሱስ ክርስቶስ፡ ድንግል ማርያም ናት፤ ድንግል ማርያም፡ ኢየሱስ ክርስቶስ ነው። ቅዱስ መስቀል፡ ኢየሱስ ክርስቶስ ነው፤ ኢየሱስ ክርስቶስ፡ ቅዱስ መስቀል ነው። ፈጽመው አይለያዩምና።
እኛ የቅዱሱ ኪዳን ኢትዮጵያውያንና ኢትዮጵያውያት፡ ኹለቱን አካላትና ባሕርያት፡ ማለትም፡ እግዚአብሔር ወልድንና ድንግል ማርያምን፥ እንዲሁም፡ በድንግል ማርያም ሰውነት የተገለጸውን እግዚአብሔር ወልድንና መስቀሉን፡ ፈጽመን አንለያያቸውም፤ የምናውቃቸውና የምናምንባቸው፥ የምናመልካቸውና የምንሰግድላቸው፡ በአንድነታቸው እንጂ፡ ተለያይተው በተናጠል አይደለም፤ በሥዕላችን እንኳ አንለያያቸውም፤ የተለያዩበት ሥዕል፡ ከኢትዮጵያዊነት ውጪ፡ ባዕድ ይኾናል።
እግዚአብሔር ወልድ ለኾነው፡ ለኢየሱስ ክርስቶስ እናት፡ ለቅድስት ድንግል ማርያም እና ለቅዱስ መስቀሉ፡ በእውነትና በመንፈስ ቅዱስ አምልኳችን ኾነን፡ የአምልኮ ስግደትን የምናቀርብላቸው፡ በዚህ ምክንያት ነው። ይህን እውነታ፡ ኹሉም ይወቀው! ለእነርሱ የምናቀርበው ስግደት፡ የአምልኮ እንጂ፡ የጸጋ፥ ወይም የአክብሮት አይደለም።
Blogger Comment
Facebook Comment