✍ ዘርአዳዊት ዘ-ኢትዮጵያ | ኢትዮጵያ አውታር | ሰላቢ እጆች
በዓለማችን ላይ የሚከሰቱ ትልልቅ የፖለቲካ ለውጦች፣ ጦርነቶች፣ አብዮቶችና የመንግሥታት መፈራረስ በአጋጣሚ የሚፈጠሩ ክስተቶች አይደሉም። ከእነዚህ ክስተቶች በስተጀርባ የሰውን ልጅ አዕምሮና የሀገራትን ዕድል ለመቆጣጠር የሚሠሩ ስውር ማኅበራትና ፍልስፍናዊ ስልቶች አሉ። ከእነዚህ ስልቶች መካከል እጅግ አደገኛውና ውጤታማው የጆርጅ ዊልሄልም ፍሬድሪክ ሄግል “ዲያሌክቲካዊ ፍልስፍና” (Hegelian Dialectic) ነው።
ይህ ፍልስፍና “ቲሲስ፣ አንቲ-ቲሲስ እና ሲንተሲስ” (Thesis, Antithesis, Synthesis) በሚል ባለሦስትዮሽ መርሕ ላይ የተመሠረተ ነው። ስልቱ እጅግ ቀላል ግን ረቂቅ ነው፡
ቲሲስ (Thesis): ሆን ተብሎ አንድ ችግር ወይም ኃይል ይፈጠራል።
አንቲ-ቲሲስ (Antithesis): ያንን ችግር ወይም ኃይል የሚቃወም፣ የሕዝብን ቁጣና ድጋፍ የሚያስተባብር ሌላ ተቃራኒ ኃይል ይወለዳል።
ሲንተሲስ (Synthesis): ሁለቱ ኃይሎች እርስ በርሳቸው በከባድ ጦርነትና ግጭት ውስጥ እንዲልፉ ይደረጋል። ሕዝቡ በሁለቱ መካከለኛ ውጥረት ሲደክም፣ ሰላምና መረጋጋትን ፍለጋ ሲጮኽ፣ እቅድ አውጪዎቹ አስቀድመው ያዘጋጁትንና የፈለጉትን አዲስ ሥርዓት (Synthesis) እንደ መፍትሔ ያቀርባሉ። ሕዝቡም በደስታ ይቀበለዋል።
ይህ ሰይጣናዊ ዘዴ/ስትራቴጂ በዓለም አቀፍ ደረጃ በምሥጢራዊ ማኅበራት (በተለይም የሉሲፈር ወይም የሰይጣን አምላኪ በሆኑት የኢሉሚናቲ መዋቅሮች) ጥንታዊ ዕሴቶችን ለማፍረስና የሰውን ልጅ ወደ “አንድ ዓለም ሥርዓት” (New World Order) ለመውሰድ የሚጠቀሙበት ዋነኛ መሣሪያ ነው። ይህንን ፍልስፍናዊ መነጽር ወደ ዛሬዋ ኢትዮጵያ ስናመጣው፣ በመድረኩ ላይ የምናያቸው ሁለት ግዙፍ የፖለቲካ ኃይሎች — ህዝባዊ ወያነ ሓርነት ትግራይ (ህወሓት) እና የብልጽግና ፓርቲ — ውጫዊ ገጻቸው ተቃራኒና ባላንጣ ቢመስልም፣ በስተጀርባ ግን ለአንድ ዓላማና ለአንድ ጌታ የሚሠሩ፣ የኢትዮጵያ ኦርቶዶክስ ተዋሕዶ ቤተክርስቲያንን ለማፍረስ የሚሠሩ የአንድ ሳንቲም ሁለት ገጽታዎች ናቸው።
1. ህወሓት እንደ “ቲሲስ” (Thesis)፦ የብሔር ክፍፍልና የመዋቅር መዳከም መጀመሪያ
የሄግል ዲያሌክቲክ የመጀመሪያው ምዕራፍ (Thesis) በኢትዮጵያ ምድር የተተገበረው በህወሓት/ኢህአዴግ የ27 ዓመታት አገዛዝ ዘመን ነበር። ህወሓት ወደ ሥልጣን ከመጣበት ከ1983 ዓ.ም ጀምሮ ዋና ስውር ተልእኮው የነበረው የኢትዮጵያን አንድነት፣ ታሪክና የሉዓላዊነት ምሰሶ የሆነችውን የኦርቶዶክስ ተዋሕዶ ቤተክርስቲያንን ማዳከም ነበር።
ህወሓት የፈጠረው የብሔር ፌደራሊዝም እና አንቀጽ 39፣ በሕዝቦች መካከል የታሪክ ቁስልን በመቆፈር ጥላቻን ዘራ። ይህ መዋቅር በቀጥታ ያነጣጠረው “ለሁሉም ብሔርና ቋንቋ አባትና እናት” ሆና የኖረችውን ቤተክርስቲያን ብቸኛና ባዕድ አድርጎ ለመሳል ነበር።
ብፁዕ ወቅዱስ አቡነ መርቆሬዎስን ከሕገ-ወጥ መንገድ ከሕዝባቸው በማፈናቀል፣ ሲኖዶሱ ለሁለት እንዲከፈልና አንደኛው ክፍል ወደ ስደት እንዲያቀና ተደረገ። ይህ ስልታዊ ጥቃት የቤተክርስቲያኗን መንፈሳዊ ነጻነት በመግፈፍ የፖለቲካ ካድሬዎችን በሲኖዶስ ውስጥ ለመክተት የተደረገ የመጀመሪያው ትልቅ እርምጃ ነበር።
ቤተክርስቲያኒቱን የ“ነፍጠኞች” ሥርዓት አስከባሪ፣ የብሔረሰቦች ጨቋኝ አድርጎ በካሪኩለም ጭምር በመቅረጽ፣ አዲሱ ትውልድ በቤተክርስቲያኑ ላይ የጥላቻ አመለካከት እንዲኖረው ተደርጓል።
ይህ ሥርዓት ለዓመታት የፈጠረው ስልታዊ ጭቆና፣ ግድያ እና የብሔር ጽንፈኝነት በሕዝቡ ውስጥ ከፍተኛ ብሶትና “ለውጥ” የመናፈቅ ስሜትን በከፍተኛ ደረጃ ወለደ። ይህም ለቀጣዩ ምዕራፍ መነሻ ሆነ።
2. ብልጽግና እንደ “አንቲ-ቲሲስ” (Antithesis)፦ የለውጥ ተስፋና ስውሩ አደገኛ ጥቃት
የሕዝቡ ብሶትና የለውጥ ረሃብ ከፍተኛ ደረጃ ላይ ሲደርስ፣ የዲያሌክቲካዊው ቀመር ሁለተኛውንና ይበልጥ አታላዩን ገጽታውን አወጣ — እርሱም የብልጽግና ፓርቲ (Antithesis) ነው። በ2010 ዓ.ም የመጣው የግራኝ ዐቢይ አሕመድ ስብስብ የመጣው የህወሓት ፍጹም ተቃራኒ፣ የኢትዮጵያዊነት ትንሣኤ አብሳሪ፣ የተሰደደውን ሲኖዶስ አምጥቶ አንድ አድራጊና የኦርቶዶክስ ተሟጋች መስሎ ነበር። ይህ ስልታዊ አቀራረብ የኦርቶዶክስ አማኞችን ሙሉ በሙሉ ለማንቀላፋትና መከላከያቸውን እንዲጥሉ ለማድረግ የተጠቀሙበት “የመንፈስ ማደንዘዣ” ነበር።
ይሁን እንጂ፣ ውጫዊው የዕርቅና የፍቅር ትርኢት ካለፈ በኋላ፣ የብልጽግና እውነተኛ ማንነትና በቤተክርስቲያኗ ላይ ያዘጋጀው ስውር ጥቃት ይፋ መሆን ጀመረ፡
በጥር ወር 2015 ዓ.ም (January 2023) በሕገ-ወጥ መንገድ የተፈጠረውና ቤተክርስቲያንን ለመክፈል የተሞከረው “የብሔር ሲኖዶስ” (የአቡነ ሳዊሮስ ቡድን) ሙከራ፣ በመንግሥት ቀጥተኛ ሎጂስቲክስ፣ የደኅንነትና የፖሊስ ጥበቃ የተደገፈ ነበር። ይህም መንግሥት ቤተክርስቲያንን በውስጥ በማፍረስ ረገድ ከህወሓት የላቀ አደገኛ ሚና እንዳለው አሳየ።
በተመሳሳይ በኦሮሚያ፣ በደቡብና በተለያዩ የኢትዮጵያ ክፍሎች ኦርቶዶክሳውያን በግፍ ሲታረዱ፣ ካህናት ታርደው በገመድ ሲጎተቱ፣ ጥንታውያን አብያተ ክርስቲያናት በዶዘር ጭምር ሲፈርሱ መንግሥታዊ መዋቅሩ ጥበቃ ከመንፈግ አልፎ ድርጊቱን በዝምታና በማስተባበል አድበስብሶታል።
እንዲሁም የኢትዮጵያን ጥንታዊ የተዋሕዶ ታሪክና ቅርስ በቤተመንግሥት ፕሮጀክቶች ማሳነስ፣ በምትኩ ዓለማዊ፣ ምስጢራዊና አረማዊ ይዘት ያላቸውን አዳዲስ ባህላዊና ፍልስፍናዊ እሴቶችን (Prosperity Gospel፣ የአዲስ ዘመን ንቅናቄና አምልኮና New Age Movement) በሕዝቡ አዕምሮ ውስጥ እንዲሰርፅ ሰርቷል።
3. የአሁኑ ጦርነትና የዲያሌክቲክ ደም አፋሳሽ ውሕደት
አሁን በሀገሪቱ የተለያዩ ክልሎች እያየነው ያለው አዲስና ተከታታይ የጦርነትና የግጭት አዙሪት የዚሁ የሄግል ዲያሌክቲክ ጫፍ ማሳያ ነው። የሰሜኑ ጦርነት በፕሪቶሪያ ስምምነት ቆመ ከተባለ በኋላ፣ ዲያሌክቲካዊው ቀመር አላበቃም፤ ይልቁንም መልክና ስልት ቀይሮ ወደ ሌላ የደም መፍሰስ ተሸጋግሯል።
በአሁኑ ወቅት የብልጽግና የጦር መዋቅር በዐምሓራ ክልል ከፋኖ ኃይሎች ጋር፣ እንዲሁም በኦሮሚያ ክልል ከታጠቁ ቡድኖች ጋር የሚያደርገውና ወደ አየር ድብደባና ከባድ መሣሪያ የተሸጋገረው ጦርነት ዋነኛ ሰለባው የኦርቶዶክስ አማኙ ሕዝብና ታሪካዊ ቅርሶቹ ናቸው። ጥንታውያን አብያተ ክርስቲያናት በጦርነት ሰበብ እየፈረሱ፣ የገዳማት መነኮሳትና ካህናት እየተገደሉና እየተሰደዱ ይገኛል።
ህወሓት በሰሜኑ ጦርነት ወቅት በሚሊዮን የሚቆጠር የኦርቶዶክስ ሕዝብ ካስጨረሰ በኋላ፣ ዛሬ በፕሪቶሪያው ስምምነትና በውስጥ ድርድር ከብልጽግና ጋር የሥልጣንና የጥቅም መጋራቱን አረጋግጧል። በአሁኑ ጦርነት ላይ ህወሓት ከመንግሥት ጎን በመቆም ወይም የጦርነቱን መባባስ በዝምታ በመደገፍ የራሱን አጀንዳ እያስፈጸመ ነው። ይህ የሚያሳየው ሁለቱ ኃይሎች በመገናኛ ብዙኃን ባላንጣ ቢመስሉም፣ በተግባር ግን አንዱ ለሌላው መኖርና ለጠቅላላው ሀገር የማፍረስ ዕቅድ መሳካት ስልታዊ አጋሮች መሆናቸውን ነው።
የአሁኑ ጦርነት ዓላማው አንዱ ወገን ሌላውን እንዲያሸንፍ ሳይሆን፣ ጦርነቱ እንዲረዝም በማድረግ የኢትዮጵያን ሕዝብ ማኅበራዊና ኢኮኖሚያዊ አቅም ሙሉ በሙሉ መንቀል ነው። ሕዝቡ በዋጋ ንረት፣ በረኃብ፣ በበሽታና በጦርነት ፍርሃት ሲደክም፣ ሃይማኖቱንና ሀገሩን ለመጠበቅ ያለው አቅምና ወኔ አብሮ ይደቃል:: ይህ በሚሆንበት ጊዜ ቤተክርስቲያኗ ለሕዝቧ ድምፅ መሆን እንዳትችል በውስጥ ውጥረትና በውጭ ጥቃት እንድትጠመድ ይደረጋል።
4. በብልጽግና ስር የተሰገሰጉት ስውር ፍልስፍናዎች (Prosperity Gospel እና New Age Movement)
ይህ በህወሓት (ቲሲስ) እና በብልጽግና (አንቲ-ቲሲስ) መካከል የሚደረገው ዲያሌክቲካዊ ፍልስፍናዊ ፍጭትና ወቅታዊው ጦርነት ወደ መጨረሻው ምዕራፍ ከመሸጋገሩ በፊት፣ ትውልዱን ከውስጥ ለመቅሰፍና ማስተዋሉን ለመስረቅ የተዘረጉ ሁለት ታላላቅ መንፈሳዊ መርዞች አሉ። እነዚህም የብልጽግና ወንጌል (Prosperity Gospel) እና የኒው ኤጅ ንቅናቄ (New Age Movement) በመባል ይታወቃሉ።
ሀ. የብልጽግና ወንጌል (Prosperity Gospel) ንዋይ አምላኪነትና የምድር ፍላጎት ማጎልበቻ
የብልጽግና ወንጌል መሠረቱ ከምዕራባውያን “የእምነት ንቅናቄ” (Word of Faith movement) የተቀዳ ሲሆን፣ ዋና ፍልስፍናውም “አንድ ሰው እውነተኛ አማኝ ከሆነ በምድር ላይ የግድ ሀብታም፣ ስኬታማና ጤነኛ መሆን አለበት” የሚል ነው። ይህ አስተምህሮ በኦርቶዶክሳዊት ቤተክርስቲያን ላይ የተሰነዘረበት ምክንያት የሚከተሉት ስውር ዓላማዎች ስላሉት ነው፦
የኦርቶዶክስ ተዋሕዶ ቤተክርስቲያን ለዘመናት ያስተማረችውን የጾም፣ የጸሎት፣ የትሕትና፣ ስለ እውነት መከራን የመቀበልና የቅድስና ሕይወት ዋጋ ያሳጣል። ትውልዱ መከራን እንዲሸሽና ለምድራዊ ምቾት ብቻ እንዲኖር ያደርጋል።
በዚህ አስተምህሮ ውስጥ እግዚአብሔር የሚፈለገው ለክብሩና ለሕይወት ሳይሆን፣ የሰውን ምድራዊ ፍላጎት (ገንዘብ፣ ሥልጣን፣ መኪና፣ ቤት) ለማሟያ መሣሪያነት ብቻ ነው። ይህ ደግሞ ሰዎችን ቀስ በቀስ የገንዘብና የቁሳቁስ ባሪያ (Materialistic) በማድረግ የሰይጣን ኢሉሚናቲ ለሚያዘጋጀው ፍፁም ምድራዊ ቁጥጥር ያመቻቻል።
ዓለምን ንቆ በገዳም መጸለይን እንደ “ኋላ ቀርነትና ድህነት” በመቁጠር፣ የኢትዮጵያ ምሰሶ የሆኑትን ገዳማትና ባሕታውያንን ከትውልዱ አዕምሮ የማውጣት ስልታዊ ዘመቻ ነው።
ለ. የኒው ኤጅ ንቅናቄ (New Age Movement) ሰይጣናዊው የ“እኔነት” እና የኮስሚክ ኃይል ማታለያ
የኒው ኤጅ (የአዲሱ ዘመን) ንቅናቄ ደግሞ እጅግ ረቂቅና የኢሉሚናቲ ቀጥተኛ የሃይማኖታዊ አጀንዳ ነው። ይህ ንቅናቄ ጥንታውያንንና ምስጢራውያንን የአረማውያን ፍልስፍናዎች (Paganism)፣ ኮከብ ቆጠራን፣ እና ጠንቋይነትን በዘመናዊ ሳይንስና በስነ-ልቦና ስም አሳምሮ የሚያቀርብ ነው። በዛሬዋ ኢትዮጵያ በከፍተኛ ደረጃ በዩቲዩብ፣ በስልጠናዎችና በፖለቲካ መድረኮች ላይ “የአዕምሮ ኃይል” (Mind Power)፣ “የጽንፈ ዓለም ህግጋት” (Law of Attraction) በሚሉ ስሞች እየተስፋፋ ይገኛል።
ኒው ኤጅ የሚያስተምረው ሰው በራሱ አምላክ መሆኑን፣ ከፈጣሪ ጋር መታረቅና ንስሐ መግባት እንደማያስፈልገው፣ እና በውስጡ ያለውን “የተቀበረ ኃይል” በመጠቀም የፈለገውን መሆን እንደሚችል ነው። ይህ አዳምና ሔዋንን ገነት ውስጥ “እንደ እግዚአብሔር ትሆናላችሁ” ብሎ ያሳታቸው የሰይጣን የመጀመሪያው ውሸት ቀጥተኛ ቀጣይ ነው።
ለሰው ልጅ ድነት አስፈልጊው የክርስቶስ ደም፣ ማኅተም፣ የቅዱሳን አማላጅነትና የታቦታቱ በረከት ሳይሆን፣ “ከጽንፈ ዓለሙ (Universe) ጋር መገናኘት ነው” የሚል ባዕድ አምልኮን በረቂቅ መንገድ ይተካል።
በቅርብ ዓመታት በኢትዮጵያ ውስጥ በሚገነቡ አዳዲስ ፓርኮች፣ ሙዚየሞችና የመንግሥት ሕንፃዎች ላይ የሚታዩት የሐወልቶች (Obelisk) ቅርጾች፣ ነጠላ ዓይን (All-Seeing Eye) መሳይ ሥነ-ሕንፃዎችና የአንበሳ ምስሎች የዚህ የኒው ኤጅ እና የፍሪሜሶን/ኢሉሚናቲ ምስጢራዊ ምልክቶች መገለጫዎች ናቸው። ዓላማቸውም የሀገሪቱን መንፈሳዊ ድባብ (Spiritual Atmosphere) በመቀየር ለአጋንንት አምልኮ ምቹ ማድረግ ነው።
5. ከጀርባ ያለው የሰይጣን ኢሉሚናቲ እጅና የመጨረሻው ግብ (Synthesis)
ይህ በኢትዮጵያ ምድር የሚታየው አስከፊ ድራማና አሁንም እየቀጠለ ያለው ደም አፋሳሽ ጦርነት በሀገር በቀል ፖለቲከኞች አዕምሮ ብቻ የተጠነሰሰ አይደለም። ከጀርባው የዓለም አቀፉ የሰይጣን ኢሉሚናቲ (Illuminati) እና የአዲስ ዓለም ሥርዓት (New World Order) አጀንዳ አስፈጻሚዎች እጅ አለበት።
ኢሉሚናቲ አምላክ የሌለበት፣ የሰው ልጅ በቴክኖሎጂ፣ በገንዘብና በሰይጣናዊ ፍልስፍና የሚመራበትን አንድ ወጥ የዓለም ሥርዓት፣ አንድ ወጥ ሃይማኖት (One World Religion) ለመመሥረት ይፈልጋል። ለዚህ ደግሞ በዓለም ላይ ካሉት ትልልቅ እንቅፋቶች መካከል አንዷ የኢትዮጵያ ኦርቶዶክስ ተዋሕዶ ቤተክርስቲያን ናት። ምክንያቱም ከሁለት ሺህ ዓመታት በላይ እውነተኛውን ክርስትና፣ የቅዱሳንን ምስጢርና ሐዋርያዊውን ትውፊት ሳይበረዝ የጠበቀች መሆኑ ነው።
ስለሆነም የሄግል ዲያሌክቲክ የመጨረሻ ውጤት (Synthesis) እንዲሆን የሚፈለገውና የኢሉሚናቲ የመጨረሻ ግብ የሚከተለው ነው፡
የቤተክርስቲያኗን ሙሉ በሙሉ መዋቅራዊ መፈራረስ ጥንታዊነቷና አንድነቷ ጠፍቶ፣ በቋንቋና በክልል የተከፋፈሉ፣ እርስ በርሳቸው የሚጣሉ ጥቃቅንና ተላላኪ የሃይማኖት ድርጅቶች ማድረግ።
የሞራልና የእምነት መውደቅ (Apostasy) ትውልዱ ከእውነተኛው የኦርቶዶክስ መንፈሳዊ፣ ገዳማዊና ምስጢራዊ ሕይወት ርቆ የፍጆታ፣ የገንዘብ፣ የዝሙትና የዓለማዊ ምቾት አምላኪ (Materialistic) እንዲሆን ማድረግ።
የኢትዮጵያን መንፈሳዊ አጥር ማፍረስ ኢትዮጵያ በቅዱሳኖቿና በታቦታቱ አማካኝነት የነበራትን መለኮታዊ ጥበቃ በመግፈፍ፣ ለአዲሱ የዓለም ሥርዓትና ለሉሲፈራውያኑ ቁጥጥር አመቺ የባሪያ ምድር ማድረግ።
ከወጥመዱ የመውጫው መንገድ
ኦርቶዶክሳውያንና መላው የኢትዮጵያ ሕዝብ ሊገነዘበው የሚገባው ታላቅ እውነት፣ በምድር ላይ የሚታዩት የፖለቲካ ተዋናዮች (ህወሓትም ሆነ ብልጽግና) የቲያትሩ መጋረጃዎች እንጂ የሴራው ባለቤቶች አለመሆናቸውን ነው። አንዱ ሲመታ አንዱን የመደገፍ፣ በአሁኑ ጦርነት ተስፋ ቆርጦ ወደ አንደኛው የፖለቲካ ወይም የታጠቀ ኃይል መጠጋት ፍጹም የሆነ የዲያሌክቲክ ወጥመድ ነው። ሁለቱም የሚመሩት ከአንድ የጥፋት ምንጭ ነው።
ቤተክርስቲያንንና ሀገርን ከዚህ ታላቅ ስውር ሰይጣናዊ ሴራ ማዳን የሚቻለው ውጫዊውን የፖለቲካ ትርኢት፣ ፕሮፓጋንዳና የጦርነት ነጋሪት በመናቅ፣ የስልጣን ኃይላትን ስውር ትስስር በመገንዘብ፣ እና ወደ ቀደመው እውነተኛ ጸሎት፣ ንስሐ፣ ጾም፣ እና የማይናወጥ ሐዋርያዊ አንድነት በመመለስ ብቻ ነው። “የገሃነም ደጆች አይችሏትም” (ማቴ 16፡18) የተባለችው የክርስቶስ አካል የሆነችው ቤተክርስቲያን፣ የሰይጣናዊው ኢሉሚናቲን ረቂቅ ዲያሌክቲካዊ ሴራና ወቅታዊውን የጦርነት ፈተና የምታሸንፈው በምድራዊ ፖለቲካ ሳይሆን፣ በመለኮታዊውና በማይናወጠው የእውነትና የጽናት መሣሪያ ብቻ ነው። ንቁ፣ በሃይማኖታችሁም ጽኑ!
Blogger Comment
Facebook Comment