ሳምሰንግና ቬራይዘን በ5G ኔትዎርክ የሚሰራ ስማርት ስልክ በጋራ ሰርተው ገበያ ላይ ሊያውሉ ነው።
ሁለቱ ኩባንያዎች የስማርት ስልኩን የመጨረሻ ንድፈ ሀሳብም በዚህ ሳምንት በሚካሄደው የኩዋልኮም ስናፕድራጎን ጉባዔ ላይ እንደሚያቀርቡትም ተነግሯል።
በ5G ኔትዎርክ ይሰራል የተባለው ስማርት ስልክ ገና በገበያ ላይ የሚውል አዲስ ኩዋልኮም ፕሮሰሰር የሚጠቀም መሆኑም ነው የተገለፀው።
ኩባንያዎቹ በሰጡት መግለጫም የ5G ኔትዎርክ ስማርት ስልኩ የሳምሰንግ ኔትዎርክ መሳሪያዎችን በመጠቀም የተሰራ የዓመታት ጥምረት ውጤት ነው ብለዋል።
በርካታ ኩባንያዎች 5G ኔትዎርክን ስራ ላይ ለማዋል እየተሯሯጡ ሲሆን፥ ሳምሰንግ እና ቬራይዘን በጥምረት ሊሰሩት ያሰቡት ስማርት ስልክም ይህንን ኔትዎርክ ማስተናገድ የሚችል ነው።
አዲሱ 5G ኔትዎርክ ሙሉ በሙሉ በስራ ላይ በሚውልበት ጊዜ አሁን ካለው 4G ኔትዎርክ በፍጥነት እና መረጃዎችን በማውረድ (ዳወንሎድ) የማድረግ ፍጥነቱ ከፍተኛ መሆኑ ተነግሮለታል።
ምንጭ፦ fossbytes.com
Blogger Comment
Facebook Comment