ዘርአዳዊት ዘ-ኢትዮጵያ
ቁጥር ፶፫ የመምህር ግርማ ወንድሙ የፈውስና የወንጌል አገልግሎት የሚያሳይ ተንቀሳቃሽ ምስል ወድምጽ፡ ከሁለት ክቀናት በፊት በመለቀቁ ጋብ ብሎ የነበረው፡ የ መምህር ግርማ ጉዳይ፡ እንደ አዲስ በማኅበራዊ ትስስር ድረ ገጾች እንደ አዲስ መወያያና መከራከርያ ለመሆን በቅቷል። የዚህ ምክንያትም፡ ብዙ ምስኪን ሰዎች ሲፈወሱ ድንምጻቸው ተሰምቶ የማያውቅ ሰዎች ኢትዮጵያዊትዋ አትሌት ጌጤ ዋሜ በተንቀሳቃሽ ምስል ወድምጹ ላይ የፈውሱ ተካፋይ ሆና መታየትዋ ነው። በዚህ ምክንያት፡ አትሌት ኃይሌ ገብረ ሥላሴ፡ ለሸገር ኤፍኤም በሰጠው ቃለ ምልልስ፡ ፍጹም መንፈሳዊነት በራቀው መልኩ፡ የመምህር ግርማን የመንፈስ ቅዱስ ስራ ለማጣጣል መመኮሩ ለማድመጥ ችያለው። በተመሳሳይ መልኩ፡ ከሁለት ዓመታት በፊት የመንፈስ ቅዱስ ተቃዋሚ መሆኑ ራሱን ያጋለጠው፡ ዲያቆን ዳንኤል ክብረት፡ አሁንም በተመሳሳይ ለምን የጌጤ ዋሜ የፈውስ አገልግሎት በተንቀሳቃሽ ምስል ወድምጽ ይፋ ለህዝብ ተለቀቀ በሚል ምክንያት እንደተለመደው የመጽሐፍ ቅዱስ ጥቅስ በመጥቀስ በመቃወው በግል ድረ ገጹ የለጠው ጽሑፍ ነበር።
አትሌት ጌጤ ዋሜ፡ ከተንቀሳቃሽ ምስሉ ውድምጽ መገንዘብ እንደሚቻለው፡ ለዓመታት በእግርዋ ላይ በደረሰባት ህመም ስትሰቃይ ኖራለች። የእግር ህመም ብቻ ሳይኾን፡ ከዚያ በኋላ፡ ትዳሯ እንዲበተን፣ ልጅ እንዳትወልድ (እንዳትደግም)፣ በሩጫ ውጤት እንዳታመጣ፣ ገንዘቧ እንዲበተን እና ህመምተኛ ኾና እንድትቀር፡ ከጎጃም እና ከመንዝ በክፉ መናፍስት አምላኪዎችና አስመላኪዎች የተላከባት ክፉ መንፈስ ሥራውን ሠርቶ ውጤት እንዳመጣ በተንቀሳቃሽ ምስሉ ውድምጽ ላይ ተናዝዟል። እሷም ደግሞ ለዓመታት መድኃኔዓለም ፊት ስታፈሽ የነበረው ልቅሶ ተሰምቶ፡ በተራዋ ክፉው መንፈስ ተገልጦ በጠላቷ ላይ ለማየት በቅታለች!!! ሳይታገሉ ድል የለም፦ እሷም መንፈሳዊ ትግል ባትታገል፡ መንፈሳዊ ድል አትቀዳጅም ነበር፦ ቅዱስ ጳውሎስ፡ “በእሽቅድምድም ስፍራ የሚሮጡት፥ ሁሉ እንዲሮጡ ነገር ግን አንዱ ብቻ ዋጋውን እንዲቀበል አታውቁምን፧ እንዲሁም ታገኙ ዘንድ ሩጡ። የሚታገልም ሁሉ በነገር ሁሉ ሰውነቱን ይገዛል፤ እነዚያም የሚጠፋውን አክሊል ሊያገኙ ነው፥ እኛ ግን የማይጠፋውን።” (፩ኛ ቆሮ ፱፥፪፬፡፪፭) እንዳለው።
ይህ የሚያስገነዝበንም በከፍተኛ ደረጃ ላይ በመንፈሳዊ ውግያ ነበረች ማለት ነው። ይህ የሚገነዘበዉም የደረሰበት ሰው ብቻ ነው። እኔ ለዚህ ነገር እማኝ ምስክር ነኝ፤ ከ፭ ዓመታት በፊት ከነበረብኝ የትንባሆና ማሪዋና ማጨስ፣ ጫት መቃም በቅዱስ ሚካኤል አምላክ ተረዳኢነት ነጻ ብወጣም መንፈሳዊ ውግያው በመገንዘብ በነጻነቴ እንድጸና የመምህር ግርማ መንፈሳዊ ትምህርቶች ከፍተኛ አስተዋጽዖ ነበራቸው። ይህ ለመገንዘብ በችግሩ ውስጥ ማለፍ ግድ ይላል። ዳር ይዞ ማውራት በጣም ቀላል ነገር ነው።
ይሁንና የእዉነት ተቃራኒና ጠላት የሆነዉ፣ ገበናዉና ሥራዉ በመጋለጡ የተበሳጨዉና የተቆጣዉ እንዲሁም አገልጋየቹና የጨለማ ስራቸዉ እንዲታወቅ በመደረጉ ምክንያት ማንነቱና ማንነታቸዉ እንዳይታወቅ የሰዎችን ሕሊና አደንዝዞ ያለዉ ዲያብሎስ ዝነኛ አስተማሪዎች ነን፣ አገልጋዮች ነን፣ ካለኛ ማንም አዋቂ የለም በማለት በስጋዊ አስተሳሰባቸው በመመዝዘን ብቻ የመምህር ግርማ ውንድሙን የመንፈስ ቅዱስ ሥራ የሚቃወሙ ብዙ ናቸው። የሚያሳዝነው፡ በቤተ መቅደስ ውስጥ እያገለገሉ፣ ከተራው ምእመን በቂ የሆነ ዕውቀት አላቸው ተብለው የሚታመኑ አገልጋዮች የዚህ ቅዱስ ሥራ ተቃዋሚ መሆናቸው ነው። ዲያቆን፣ጳጳስ መምህር መሆንና መጠምጠም ምንም እንዳልሆነ፡ የመምህር ግርማ ትምህርቶችና የፈውስ አገልግሎቶች በግልጽ በክፉ መንፈስ ለሚጠቃው ምእመን ወይም ህዝብ በቂ ማስረጃ ናቸው። ይህ ነው ደግሞ ብዙ ሰዎች ሳይታወቃቸው ለዲያብሎስ ጥብቅና በመቆም የሚቃወሙት።
ታድያ ጉዳዩ መታየት ያለበት እንዲህ ነው። አትሌት ኃይሌ ገብረ ሥላሴ፡ በድፍረትና በቁጣ በአትሌት ጌጤ ዋሜ መዳን ተቃዉሞ ማቅረቡ ራሱን የሚያስገምትበት ሁኔታ እንዲፈጠር ነው የሆነው። ኃይሌ ገብረ ሥላሴ መንፈሳዊ ዕውቀት እንደሌለውና በምዕራባውያን የሰነ አዕምሮ ሕክምናና ፍልስፍና እንደሚያምን ለሸገር ራድዮ በሰጠው ቃለ መጠይቅ ተናግሯል። ምዕራባውያን ሁሌ የችግር ምንጭ እንጂ መፍትሔ እንደማይሆኑም መገንዘብ ነበረበት። ባይሆን በተረጋጋ መንፈስ የመምህር ግርማ አገልግሎት እውነተኛ ለመሆኑ ፈጣሪው በመጠየቅ በመመርመር መልስ ሊያገኝ ይችል ነበር።
ኃይሌ እንደሚለው ሳይሆን አንዳንድ ጥሩ ልቦና የሰጣቸው ምዕራባውያን የሰነ አዕምሮ ሓኮምች ቢሆኑ የክፉ መንፈስ ድርጊት በሚገባ ተረድተውታል። የ ፕሪንስተን እና ዬል ዩርኒቨርስቲዎች ምሩቅ የሆኑት ታዋቂ አሜሪካዊ የስነልቦና ሊቅ፡ ዶ፨ር ሪቻርድ ጋልጋር ዛሬ በዓለም ላይ እየጨመረ የመጣ የአጋንንት ወረርሽኝ መኖሩን ያምናሉ፦
“አብዛኛዎቹ ሰዎች በአሁን ጊዜ በዕለት ተዕለት ኑሯቸው የዚህ አስፈሪ ሁኔታ ጨለማ እውነታ መገንዘብ ጀምረዋል።”ይላሉ ባለሙያው።
ዶ/ር ሪቻርድ ጋልጋር እንደሚሉት፡ ዋና በሆነው የሕክምና ሳይንሱ ዓለም እርስ በርስ የሚጋጩ አስተያየቶች ቢኖሩም፣ የአጋንንታዊ ይዞታ እውንና እውነተኛ ነው፤ እርኩሳን መናፍሥት በሰው ዘር ላይ ዘምተዋል።
ለ ፳፭ ዓመታት ያህል በኒው ዮርክ ሆስፒታል ኮሌጅ እና በኮሎምቢያ ዩኒቨርሲቲ ውስጥ የሁለቱን የማስተማሪያ ቦታዎች፡ እንደ አንድ የግል ስነ–አእምሮ ሐኪም፡ የልምድ ልውውጥ የሚያካሂዱት ዶ/ር ጋልጋር ሰብዓዊ እና ሰብዓዊ ያልሆኑ፣ ወይም አጋንንታዊ ባህሪ የያዙ ሁኔታዎችን የማጥናት እድሉ ነበራቸው።
አጋንንትን ለማስወጣት ከክርስቲያኖች በኩል የሚደረገው ሥራ አስፈላጊና ህጋዊም መሆኑን ዶ ፨ ር ጋልጋር አረጋግጠዋል።
ዶ/ር ጋልጋር፡ ኃይሌ ገ። በተነፈስ ማግስት፡ “ዘ ቴሌግራፍ” (እንግሊዝ) ከሚባለው ጋዜጣ ጋር ባደረጉት ቃለ ምልልስ ላይ፦
“አጋንንት፡ በጣም በጣም ብልጥ ናቸው ፣ የወደቁት መልአክ ደረጃ ያህል ብልጥ ናቸው፤ ከሰዎች እጅግ የላቀ ብልጠት ስላላቸውም የሰው ልጅን እንዴት ማታለል እንደሚችሉ በደንብ አድረገው ያውቁበታል። የገቡባቸውን ወይም የያዟቸውን ሰዎች ተቆጣጥረው ይጠቀሙባቸዋል። ስለዚህም ያዘጋጁትን ሠራዊት በሌሎች ሰዎች እና ህይወት ላይ በማሰማራት የጭካኔ ድርጊቶችን እና ሌሎች ጉዳቶችን እንዲፈጽሙ ያደርጓቸዋል።”
በማለት የመምህር ግርማን ድንቅ ትምህርትና ተግባር ሙሉ በሙሉ አጽድቀዋል።
ዶ/ር ጋልጋር በሚያዝያ ወር ላይ እንዲህ ሲሉ ተናግረው ነበር፥ –
“ዲያብሎስን እንደ ተረት፣ ውክልና፣ ምስል፣ ዘይቤ ወይም ሐሳብ እንደሆነ አድርገን ማሰብ የለብንም፤ ሽተት ነው፤ ይህ ሽተት ይህ ሽተት፡ መከላከያ ጋሻችንን እንድንተው፣ ግድየለሽ እና የበለጠ ተጋላጭ እንድንሆን ያደርገናል። ሕይወታችን “የክፉ አለቃ” በሆነው በዲያብሎስ ላይ የማያቋርጥ ትግል የምናደርግበት ነው።“
ዶ/ር ጋልጋር በአጋንንት ስለመያዝ የሚናገሩ ብቸኛው የአሜሪካ ሳይካትሪስት አይደሉም – በዚህ ጉዳይ ላይ ምርምር የሚያካሂዱ ብዙ የስነ ልቦና ተመራማሪዎች፡ ወይም፡ እንደ ኃይሌ ገ። “ሳይካትሪስቶች” አሉ። እንደ ዶ/ር ጋልጋር ደፍረው ለመናገር ፈቃደኝነቱን ባያሳዩም።
ዲያቆን ዳንኤል ክብረትና ሌሎችም የእርሱን ሃሳብ የሚጋሩ ክርስቲያኖች፡ ለምን ይሆን በተመሳሳይ መልኩ የመምህር ግርማ መንድሙና ፈውስና የአትሌት ጌጤ ዋሜ ድህነት ሊቃወሙ የደፈሩት። በተንቃሳቃሽ ምስል ወድምጽ ነገር የሚታየው የጌጤ ክብር የሚነካ ነው ይላሉ። አቤት ስለ ሰው መቆርቆር!፡ አንጄቴ!! የጌጤ የስቃይ ጊዜያትስ ማን አየላት፧ ማን መፍትሔው ጦቆማት?
ክፉ መንፈስን ታግሎ ማሸነፍ ከመቼ ወዲህ ነው ለክርስቲያኖች “ውርደት” የኾነው？ የተዋረዱት ጠንቋዩ፣ አስጠንቋዩ/ይዋ፣ እና ወደሲዖል የወረደው ክፉ መንፈስ ነው እንጂ ጌጤ ዋሚ ወዴትም አልተዋረደችም። “ዓውደ ነገስት” እንደ ጥበብ ቆጥረው እድልህ እንወስን የሚሉ፣ የጨሌ አምልኮ ያላቸው፣ ለእውቀት ለምን ለምን እያሉ ዕፀ ፋርስ ወይም አብሾ የሚያጠጡ፣ ለሃብት፣ ለእውቀት፣ለግርማ ሞጎስ ብለው ዕፀ የቀበሩ፣ ያሰሩ፣ እነዚህ የሰው ዕድል ሲያቀያይሩና ሲያቀባብሉ የሚኖሩ የአገራችን ደብተሮችና ጠንቋዮች እያበረታታናቸው መሆኑስ ገብቶን ይሆን፧
ብዙ የመምህር ግርማ የፈውስና የወንጌል አግልግሎት ተቀዋሚዎች፡ የሚያቀርቡት ምክንያት ውሃ የማይቋጥርና በውስጣቸው ያለ የክፋትና የተንኮል መንፈስ የሚያሳብቅ ነው። ተአምራት አይጠቅምም ይላሉ፤ ግን በቅዱሱ መፅሐፍ ብዙ የተአምራት ድርጊቶች አንብበናል። የዘመናችን አማኝ ነን ባዮች ግን ተአምራትን ሲያቃልሉ እንጂ እውነተኛ የሚሉትን ተአምር ሰረተው ሲያሳዩ አይታዩም፤ ከወሬ ያለፈ ክርስትና ስለሌላቸው እንዲያሳዩም አይጠበቅም፡፡ አጋንንትን ማውጣትም ተራ ነገር እንደሆነ ይናገራሉ፤ እነሱ ሲያወጡ ወይም ሲገስጹ ግን አይታዩም፡፡ መንፈስ የያዘው ሰው ሲገጥማቸው “እግሬ አውጭኝ” የሚሉት ሁሉ አጋንንትን ማውጣት ተራ ነገር ነው እያሉ ሲያወሩ እጅግ ያስገርማል፡፡ በመጻህፍ ቅዱስ ተጽፎ እንደምናነበው አጋንንትን ማውጣት አለመቻል እጅግ ያሶቅሳል፤ እግዚአብሔርንም ያሳዝነዋል፡፡ በማርቆስ ወንጌል 9፣19 እና በማቴዎስ ወንጌል 17፣17 ላይ ተጽፎ እንደምናነበው ጌታችንና መድኃኒታቺን ኢየሱስ ክርስቶስ ደቀ መዛሙርቱ አጋንንት ስለ እምነታቸው ማነስ አልወጣ ቢላቸው “የማታምን ጠማማ ትውልድ ሆይ እስከመቼ ከናንተ ጋር እኖራለሁ? እሰከመቼስ እታገሳችኋለሁ?”! ብሎ እጅግ አድርጎ እንደወቀሳቸው እናነባልን፡፡ ሀዋርያት እንዲህ አይነቱ ከባድ ወቀሳ የገጠማቸው አጋንንትን ማውጣት ስላቃታቸው ነበር፡፡ ዛሬ ግን ነገሮች የተገላቢጦሽ ሆነዋል፡፡ የሚወቀሰው አጋንንትን ማውጣት ያቃተው ሳይሆን አጋንንትን የሚያወጣው ነው፡፡
በአንድ ወቅት መምህር ግርማ ወንድሙ፡ ለ”ላይፍ” መጽሔት በሰጡት ቃለ መጠይቅ በተናገሩት ነገር ጽሑፌን ልቋጭ፦
ላይፍ፦ ሁላችሁም የእግዚአብሔርን ቃል፥ የእመቤታችንን በረከት የምታስተምሩበት ቤተክርስቲያን ለምን እንዲህ አይነት መከፋፈል መጣ ብለውያስባሉ?
መምህር ግርማ፦ በመጽሐፍ ቅዱስ ውስጥ፡ እንክርዳድ በስንዴው መሐል እንደሚዘራው ሁሉ፡ ያም በቤተክርስቲያን ውስጥ አለ። ገበሬው፡ "መልካም ስንዴን ዘራ" የሚለው ከውጭ አይደለም፤ ዘሩ እዚያው ቤተክርስቲያን ውስጥ ነው። ስለዚህ በቤተክርስቲያን መንፈሳዊ ሕይወትና በልቦና ውስጥ መጀመርና በሥጋ ሕይወት መጀመር ልዩነት አለው። አምኖ መጀመርና ሳያምኑ መጀመር የእዚያን ያህል ነው። ሰሞኑን ወደ ቤተክርስቲያን ገብተው የሚኖሩ በጣም ብዙ ናቸው። እነዚህ ከተለያዩ የአስማት ሥራ ጋር ወደ ቤተክርስቲያን ሲጠጉ፡ ብዙ መልካም ነገር አይጠበቅባቸውምና፡ ይህንን በሚመለከት ‹‹በማለዳ መያዝ›› የሚለው መጽሓፌ ላይ ሰፋ ባለ መልኩ አስቀምጬዋለሁ። ንጹሕ የአምልኮት ፍላጎትና እንዲሁ ደግሞ በደብዛዛው በሚመላለሱ ሰዎች መካከል ዲያቢሎስ በደንብ ይሠራል። በተለይ ኦርቶዶክስ እምነት ላይ፡ ሰይጣን ከፍተኛ ትኩረት ይሰጣል። ከታሪክ እውነታም አንጻር እነዚህ ሰዎች ሕይወት ውስጥ የተለየ እድል አለ። ገብቶ ይቀመጥና በጎውን መጥላት፥ መልካሙን እንደክፉ ማየት። ማሳደድ ያለው መናፍቆች ላይ ሳይሆን እኛ ጋር ነው ያለው። ይህ ደግሞ የሃይማኖቱ አንዱ በረከት ነው። ለምን? ፈሪሳውያን ክርስቶስ በመጣ ጊዜ፡ እምነቱን ተራ ወግና ተራ የሆነ የይስሙላ አድርገውት ነበር። ያ ሂደት ደግሞ እንደዚሁ በቆየን ቁጥር፡ የአዲስ ኪዳንንም ሕይወት እንደዚያ ነው የሚሆነው። ወደ ፈሪሳውያን ጠላት ይሄዳል፡ በዚህ ጊዜ እውነቱ እየጠፋ በቤተክርስቲያን ውስጥ ጣልቃ ይገባሉና ያንን ለመለየት የመንፈስ ቅዱስ ሥራም፥ የአጋንንት የቅንነትም ሥራ ስለሚያስፈልግ፡ ዛሬያ ቅንነቱና በጎነቱ፡ በክፋት፥ በተንኮል፥ በምቀኝነት የተሞላ ስለሆነ ያ ሂደት አንድ ሊያደርገን አልቻለም።
ረጅም ዕድሜና የ አገልግሎት ዘመን፡ ለመምህር ግርማ ወንድሙ እመኛለው፡፡ አሜን!
ሰኔ 4, 2010 ዓ.ም.
Blogger Comment
Facebook Comment